Luba knjeni Koklina,

haj, je prawje, zo smy na zhromadźiznje spěchowanskeho towarstwa wo šulskim dworje a šulskej zahrodźe wuradźowali. W našej diskusiji jewjachu so někotre zajimawe mysle a ideje k wuhotowanju.
Tu skrótka to najwažniše:
1. šulski dwór:
• nowe ławki stajić
• platany a ginkgi sadźeć jako škit před horcym słóncom
• tak mjenowana zelena rjadowniska stwa, kotraž je wot lipow wobdata
• wubědźowanje mjez šulerjemi wo najrjeńše ideje k wuhotowanju šulskeho dwora přewjesć
2. šulska zahroda:
• trěbne wothłosowanje z wučerku za wěcnu wučbu, kotraž je za hladanje šulskeje zahrody zamołwita
• wothłosowanje ze šulskej kuchnju wo tym, kajka zelenina měła so plahować
3. financowanje
• wobmjezowane móžnosće z hornca spěchowanskeho towarstwa, dokelž smy njedawno hakle nowy płót za šulsku zahrodu zapłaćili
• pruwować maja so móžnosće spěchowanja přez město abo wobswětowy zarjad (knjez Bałcar to přewza)
4. pomoc při twarskich dźěłach
• zwólniwosć staršich pomhać:
     o při nastajenju ławkow, hdyž je blidar je natwarił
     o při sadźenju štomow
     o při wurjedźenju cyłeho šulskeho dwora
• snano móhli tež wučerjo a dźěći pomhać
Tak daloko skrótka najwažniše mysle. Jako spěchowanske towarstwo radźimy, wot wšeho spočatka telko ludźi kaž móžno do wuhotowanja zapřijeć, wučerjow, šulerjow, staršich a partnerske firmy abo sponsorow. Tak so najlěpje z idejemi identifikuja a potom z ležownosću kedźbliwje wobchadźeja a so wotpowědnje wo nju staraja.

Wutrobnje strowi
Michał Skala