Cesćone kněnje a kněze!

Slědny tyźeń som dostała Waš flyer z naraźenim wěcejgeneraciskego póbitowanja w sportowem studiju FITNESS-ALLROUND. Ja se južo 3 lěta wobźělijom na Wašych fitnesowych kursach, wósebnje na gymnastice, a dejm groniś, až njamam z togo casa žedne bólosći wěcej w kśebjaśe.

Wjelgin witam ideju wěcejgeneraciskich póbitowanjow. Som starka a mam enkelźowku, ako hyšći njechójźi do šule, wóna jo wótpołdnja pśi nas. Teke wóna dej se wjele pógibowaś a sportowaś. By mógałej se gromaźe na gymnastice wobźěliś. Wósebne wócakanja na sportowy koncept njamam, som wjelgin spokojom z trjenarjom a zwucowanjami.

Což wugótowanje fitnesoweje rumnosći nastupa, by se pak žycyła, až lězeńska sćěna ma wětše pśimki za źaržanje. To jo nejskerjej konstrukciska zmólka, kótaraž te zwucowanja na tej sćěnje bejnje wobśěžkujo.

A dalšny pokiw by mógał byś, až kafeterija rozšyrijo swóje wótwórjeńske case až do z. 19.00, dokulaž wěm, až luźe teke raźi wjacor treněruju a pón njamaju žednu móžnosć něco jěsć abo piś.

Wjaselim se wjelgin, až Wy se staraśo wó nowy a moderny profil Wašogo studija, konkurenca ga jo w tej branžy bejnje mócna a w Chóśebuzu dajo wšake fitnisowe studije. Ale hyšći žednje njejsom wó jadnom wěcejgeneracijskem domje słyšała. To jo za naš měsćański źěl Strobice inowacija a wjelgin rědnje, dokulaž how se wjele twari a młode familije pśiśěgnu a pśez take wósebne póbitowanja buźo bydlenje w Strobicach a doceła w Chóśebuzu atraktiwnjejše.

Z pśijaśelnym póstrowom,

Franciska Neumanojc