Tobias Winter
Oranžowe naměstno 3
04572 Fürth

Cesćone kněnje a kněze,

bydlim we Fürth, to jo w starych zwězkowych krajach, gaž luź móžo to źinsa hyšći tak groniś. Smy byli w dowolu we Błotach a teke w Chóśebuzu. Se wě su źiśi kśěli woglědaś do znatego chóśebuskego zwěrjeńca. A chóśebuski zwěrjeńc jo napšawdu rědny. Za źiśi jo zawěsće ten hajcański coo to nejatraktiwnjejše. Wósebnje rědne jo było, až źiśi su směli pomogaś pśi futrowanju. Pón smy dalej šli a woglědali nałpy, girafy, leopardy, tigry, elefanty, lamy, jelenje, soby a pótom ptaškowy dom. Te pisane papagaje su se nam wósebnje spódobali. Njewěm, kótare zwěrjeta by dejali se teke hyšći pokazaś, chóśebuski zwěrjeńc ga ma južo pśez 1.200 zwěrjetow a 170 wšakorakich družynow. Nawopak, mě su casy te eksotiske zwěrjeta luto, kenž deje w zwěrjeńcu žywe byś a nic w jich pśirodnej domowni. Waše póbitowanja som se w interneśe woglědał a mam je za wjelgin zajmne. Naš zwěrjeńc we Fürth póbitujo hyšći šulske praktika za źiśi wót 12 lět a ako wěm, su te wjelgin pšašane. How źiśi wuknu, zagronitosć pśewześ. Snaź by to take naraźenje za dalšne wuwiśe póbitowanjow było?

Žycym Wašomu zwěrjeńcu hyšći wjele zajmowanych woglědarjow a se wutšobnje wuźěkujom za rědny wótpołdnjo tam.

Z lubym póstrowom,

Tobias Winter