Nast. Wobśěžkanje dla twaŕskich źěłow

Cesćone kněnje a kněze!

Źinsa jo 22. měrc, mój narodny źeń, som kśěła swěśiś a gósći pśepšosyś, ale to njejo móžno. Pśetwarjenje wódowódow něnto južo trajo dwa tyźenja a njamamy śopłu wódu, to jo skandaloznje. Topjenje jo teke wótšaltowane, my zymu mrějomy. Mam dwě góleśi, na tu gluku chójźitej do šule a móžotej se tam wogrěwaś. Ceła situacija jo njeznjasliwa. Njerozmějom, cogodla reparatury traju tak dłujko a muse se gótowaś w zymskem casu, gaž jo zyma. Som teke wobglědowała, až źěłaśerje du južo domoj z. 15.00, gaby źěłali do z. 17.00 by ga južo dalej byli. Smy napšawdu wšykne nerwowane wót teje situacije, njejo to teke prědny raz, až domowe zastojnstwo jo tak nonšalantne nam napśeśiw. Móžom se hyšći derje dopomnjeś na zatwarjenje nowych woknow, ako jo tejerownosći wjelgin dłujko trało. Nejskerjej maśo Wy problemy z twaŕskimi firmami. Ale to jo Waš problem. My buźomy se něnto wobrośiś na Zwězk wótnajmarjow a jomu rozpšawiś wót problema a pšosyś wó juristisku pomoc. Buźomy najm tak dłujko wusajźiś, nježli su te reparatury docynjone.

Z pśijaśelnym póstrowom,

Najmarje z bydlenja 60/3 na Hegelowej