Lubi sobudźěłaćerjo zwěrjenca “Archa Noah”,

smy młoda swójba ze štyrjomi małymi dźěćimi a wuchodźujemy so rady po zwěrjencu. To je přeco zaso rjane dožiwjenje.

Našim dźěćom so wězo zwěrjata jara lubja, wosebje małe wopički, pinguiny a zwěrjata k majkanju. Při majkanju maja wuski kontakt k zwěrjatam a nawuknu kedźbnje a luboznje z nimi wobchadźeć. Rady je tež picuja.

Mi so wulkosć zwěrjenca lubi, dokelž je přehladny a móžeš woměrje dundać. Lubuju krasny park z domjacymi a rědkimi štomami a rostlinami. Tu čuju so derje a móžu woměrje předychać. Mam kombinaciju zwěrjatow z parkom za jara spomóžnu.

Prašejće so za dalšimi zwěrjatami, kiž bychmy sej přeli. Njewidźu potrjebu, něšto změnić. Je derje, zo dožiwja dźěći tu domjace zwěrjata kaž ponyje, swinje abo kokoše, rědke dźiwje zwěrjata kaž rysy abo brune bary, ale tež eksotiske kaž šěre abo amaconowe papagaje.

Za dobru ideju mam w běhu lěta poskićene kulturne atrakcije kaž swójbne swjedźenje, małe koncerty, klankodźiwadło abo přirodowe wiki. Njedawno čitach w nowinach wo nócnych wjedźenjach po Lipšćanskim zwěrjencu. Njeby to tež něšto za Waš zwěrjenc było? To by so małym přećelam zwěrjatow zawěsće lubiło.

Přeju Wam dale wjele wjesela a zbožownu ručku při dźěle ze zwěrjatami.

Wutrobnje strowi

Marion Wjelsowa