Tema studije jo, kak jo cłonkojstwo w sportowych towaristwach, rědowane pó woblubowanosći sportowych družynow a roźe. Ned nadpadnjo, až nejwěcej woblubowanej sportowej disciplinje stej balokopanje a turnowanje.

Pśi balokopanju njedajo žedno pšašanje, to jo ludowy sport nr. 1 w Nimskej a nejskerjej teke w drugich krajach. A ja by groniła, až jo w pśitomnosći licba žeńskich hyšći wuša ako diagram pokažo.

Zajmne jo, až turnowanje jo tak woblubowane. Ale mógu se pśedstajiś, až how su zapśěgnjone wšake wejsne towaristwa, ako maju gymnastiku a lažke zwucowanja na rědach w swójom programje a to licy pótom ako turnowanje. Zajmne jo pak, až teke how dajo wěcej muskich ako sportuju nježli žeńskich. Zawěsće du pótom teke zgromadnje na piwo. W mójej sportowej kupce jo pak wjele wěcej žeńskich ako muskich. Som se źiwała, až kólasowanje jo taka pódreprezentěrowana sportowa disciplina ako rejowanje abo volleyball. Znajom wjele luźi, ako raźi kólasuju, teke ja sama, ako raźi rejuju a graju druge balowe graśa.

W statistice se pokažo snaź teke mały trend w młodšej generaciji, na pś. až rejtowanje, drogowanje a lězenje abo tenis su dosć woblubowane. Ako rezimej wšogo by snaź tak groniła, jo wšo jadno, kótaru družynu luź se wuzwólijo, wažne jo, až docełego sportujo. Sport jo strowy a dajo śělne a duchne wótpócywanje. A to kuždy luź w źinsajšnem casu trjeba.