zwucowanje 1 / Übung 1
powědanje / Sprechen
Modul powědanje ma tśi źěle.
Kontakt nawězaś
Cośo partnarja/partnaŕku bližej póznaś a se jogo/jeje pšašaśo. Cośo dostaś tak wjele informacijow ako móžno. Slědujuce dypki mógu Wam pśi tom pomogaś.
- mě
- Źo a kak bydli (bydlenje, dom, zagroda ...)?
- bratšy / sotšy, familija
- Źo jo serbski wuknuł/-a?
- Lěc jo južo w drugich krajach był/-a?
- Co rowno gótujo (šula, studij, pówołanje ...)?
- Co w lichem casu rad gótujo (sport, hobbyje ...)?
Wó wěstej temje se rozgranjaś
Woglědajśo se informacije na łopjenje a grońśo partnarjeju/partnaŕce, kake informacije z pśeglěda wucytajośo. Waš partnaŕ/waša partnaŕka ma hynakše informacije k toś tej temje. Wón/wóna je Wam pśedstajijo. Powědajśo něnto wó swójich nazgónjenjach a pšašajśo se swójogo partnarja/swójeje partnaŕki, kótare měnjenje wón/wóna ma. Reagěrujśo na pšašanja partnarja/partnaŕki tak, až nastanjo rozgrono mjazy Wama.
kanditat A
Bydliś w Chóśebuzu
Móžośo se pśedstajiś, až bydliśo w Chóśebuzu?
68% luźi, kótarež su se na napšašowanju wobźělili, njoco w Chóśebuzu bydliś, 47% samo zewšym nic.
kanditat B
Bydliś w Chóśebuzu
Co se Wam na Chóśebuzu spódoba?
90% luźi, kótarež su se na napšašowanju wobźělili, groni, až ma Chóśebuz dobre kulturne a kulinariske póbitowanja. Chóśebuz ma atraktiwne źěłowe městna a grajo w stawiznach Serbow wažnu rolu. Pódaśa su w procentach.
Situaciju planowaś
Waš chor ma 40. jubileum. Wy cośo k tomu ze swójim rozgranjańskim partnarjom/ze swójeju rozgranjańskeju partnaŕku wósebne zarědowanje organizěrowaś.
Cedlik z noticami daś słužy ako póstark k rozmyslowanju: