zwučowanje 1
pisanje
Wuzwolće sej jako prěnje temu A abo temu B.
Rozsudźće so spěšnje, dokelž maće w pruwowanskej situaciji za spjelnjenje nadawka jenož 30 mjeńšinow chwile.
Napisajće fitnesowemu studiju list (150 do 200 słowow) a reagujće
- na znajmjeńša tři dypki, kotrež so w naprašowanju mjenuja,
abo
- na znajmjeńša dwaj dypkaj, kotrejž so w naprašowanju mjenujetej, a wopisajće dalši aspekt, kotryž sće sej sam/sama wuzwolił/wuzwoliła.
Njezabudźće zawod a kónc lista.
FITNESS-ALLROUND Hłowna dróha 30, 01920 Ralbicy
Fitnes za cyłu swójbu
Lubi lubowarjo fitnesa,
sport je jedyn ze zakładow za fyziske, emocionalne a dušine derjeměće. To je powšitkownje připóznate dopóznaće. Tež naše fitnesowe studijo chce so bóle po tym orientować a nic wjace jenož sport poskićeć.
Chcemy so w přichodnym času přetworić na wjacegeneracisku sportowu a strowotnisku agenturu. Za to smy nastorčili zjawne naprašowanje, přez kotrež chcemy přeća našich wopytowarjow zhonić.
Tež Waše měnjenje je nam wažne! Tuž wobdźělće so prošu na naprašowanju a napisajće nam:
- swoje mysle k wjacegeneraciskim poskitkam
- swoje wočakowanja na strowotniske a dušine poskitki
- swoje ideje k optimalnišemu wuhotowanju fitnesoweho studija
- swoje měnjenje k wažnosći noweje agentury za cyły měšćanski dźěł
Prošu pósćelće nam hač do 30. apryla swoje ideje a namjety. Kóždy třeći list dobudźe za cyłe lěto darmotnu kartku za naše studijo.
Sportej zdar!
Waš fitnesowy team FITNESS-ALLROUND
Hilfestellung:
Dieser Freitext kann nicht auomatisch ausgewertet werden. Es wird nur geprüft ob die gewünschte Wortzahl erreicht wurde.
Gesamtanzahl Wörter: 0
