zwučowanje  2 / Übung 2

zrozumjace čitanje / verstehendes Lesen

Čitanski test ma tři dźěle. Čitaće krótke informacije, dlěši artikl a nawěški. K tekstam słušeja nadawki.

 

Naklikńće prawu wotmołwu!

dźěl 1 / Teil 1

Sće w prěnim dźělu wotrězka čitanje. Spjelńće nadawki a klikńće po tym na „Weiter“. Potom započina so druhi dźěl. Hdyž sće wšitke tři dźěle absolwował/absolwowała, zhoniće wuslědk.

 

Čitajće najprjedy nadpisma. Potom čitajće teksty 1 do 5. Rozsudźće, kotre nadpismo so najlěpje ke kotremu tekstej hodźi. Směće kóžde nadpismo jenož jónu wužiwać. (fünf Texten die passende Überschrift zuordnen; jede Überschrift nur einmal verwenden.)

0

tekst 1

Šulerki Serbskeho gymnazija su so wčera wuspěšnje na regionalnym volleyballowym finalu we Wojerecach wobdźělili a sej w starobnej klasy I druhe městno wubědźili. Dobra nalada je při hrě přećiwo Powołanskej šuli Kamjenc knježiła, kotruž su Budyske holcy 3:0 dobyli. Wosebje napjata bě kónčna hra přećiwo Ewangelskej swobodnej šuli Ochranow. Před 60 přihladowarjemi prezentowachu fairnu partiju z tójšto šansami za serbske mustwo. Tola na kóncu je serbske mustwo z 2:4 podležało.

tekst 2

Štóž chce aktiwnje sportować, so na spočatku husto praša, kotra sportowa družina je za njeho prawa. Wažny je tež prawy pensum. Tu někotre doporučenja sportoweho terapeuta: Idealny treningowy pensum wučinja tři sportowe aktiwity wob tydźeń. Najlěpje wupytaš sej dwě „suchej“ (na př. kolesowanje) a jednu „mokru“ činitosć (płuwanje). Kak maš aktiwity wuzwolić?

Jako započatkar njetrenujće tenis abo squash, dokelž spěšne pohiby zhibadła jara poćežuja. Doporučam walking, kolesowanje a płuwanje.

słowničk:

zhibadło = Gelenk

pohib = Bewegung

tekst 3

“Bus wuměłstwa” přeproša swjatki druhi raz na wotkrywanje hornjołužiskeje wuměłskeje a kulturneje sceny. Wosebite busy jězdźa mjez jednotliwymi městnami a woža wopytowarjow k wuměłcam a wustajeńcam. Prezentacije budu w Budyšinje, Lubiju, Korzymju a prěni raz w Njebjelčicach. W busach dožiwjeja zajimcy po puću dźiwadło, performancy a hudźbu. Busowa jězba stanje so tak z dožiwjenskej jězbu. Kombitiket wobsahuje jězby a wopyt wustajeńcow. Wuměłcy wotewrja swoje ateljeje. 

tekst 4

Kamjenska měšćanska biblioteka rěka wotnětka zaso Lessingowa. Na zarjadowanju “Lessing, čitać, pisać” we wobłuku Lessingowych dnjow su knihowni znowa stare mjeno spožčili.

Biblioteka w ródnym měsće basnika je mjez 1945 a 1994 jeho mjeno nosyła. Potom su ju na “měšćansku” přemjenowali.

Měšćanska biblioteka G. E. Lessinga je dźělena do biblioteki za dorosćenych a za dźěći a ma něhdźe 1800 registrowanych čitarjow, z nich 53 % dźěći a młodostnych. 

tekst 5

Sobotu je premjera lěćneho předstajenja Serbskeho ludoweho ansambla pod hołym njebjom. Na Jakubec twjerdźiznje w Mortkowje wočakuje wulkich a małych přihladowarjow zajimawy spektakl z orchestrom, baletom a chórom.

Na dyrdomdejskej inscenaciji wo lubosći dožiwi publikum nimo spěwow a rejow wjele žortnych scenow. Chrobłe wubědźowanja na konju wězo tež njepobrachuja.

Zarjadowanje wotměje so pod hołym njebjom a so při špatnym wjedrje jedyn tydźeń přesunje.

?
dźěl 2 / Teil 2

Sće w druhim dźělu wotrězka čitanje. Spjelńće nadawki a klikńće po tym na „Weiter“. Potom započina so třeći dźěl. Hdyž sće wšitke tři dźěle absolwował/absolwowała, zhoniće wuslědk.

 

 

Čitajće najprjedy nadawki 6 do10. Potom čitajće artikl. Naklikńće prawu wotmołwu. Slěd nadawkow njewotpowěduje přeco slědej teksta. (zu einem Text fünf richtige Antworten anklicken; die Reihenfolge der Aufgaben entspricht nicht immer dem Aufbau des Textes)

0

Nowe židowske žiwjenje w Choćebuzu

Židowska wosada w Choćebuzu ma wot 2014 swoju synagogu wosrjedź města w něhdyšej ewangelskej Hrodowej cyrkwi. Z podpěru Kraja Braniborskeje je so cyrkej na synagogu přetworiła. Synagoga je wšitkim zajimcam wotewrjena a přistupna. W předsydstwje Choćebuskeje židowskeje wosady dźěła pjeć mužow. Jedyn z nich je pjećdźesatlětny Simon Shkolnik, wučer němčiny za wukrajnikow na ludowej uniwersiće. Dźěło jako wučer so jemu jara lubi, dokelž zeznawa stajnje zaso nowych ludźi a jich swójbne stawizny. 

Něhdyša Choćebuska židowska wosada je hač do 1938 eksistowała. Tehdy měješe 397 čłonow, mjez nimi běchu lěkarjo, prawiznicy, wědomostnicy abo překupcy. 9. nowembra 1938 je so synagoga wot nacijow wotpaliła a z tym židowska wosada zničiła. Po skónčenju wójny 1945 bě jenož hišće 12 čłonow židowskeje wosady žiwych. 

Dźensa ma židowska wosada w Choćebuzu wokoło 350 wěriwych. Wšitcy su so z něhdyšeho Sowjetskeho zwjazka do Němskeje přesydlili. Choćebuska židowska wosada widźi so jako nabožne zhromadźenstwo, kotrež so w prěnim rjedźe wo židowske nabožne žiwjenje stara. K tomu słuša posrědkowanje tradicijow a stawiznow židowstwa. „Mamy žiwe wosadne žiwjenje. Swjećimy w synagoze wosebite židowske swjedźenje kaž sabat (dźeń wotpočinka) kóždy pjatk a sobotu. Najwažniši swjedźeń židowskeho lěta je jom kipur (swjedźeń wujednanja). Z nim skónči so dźesaćdnjowski čas želnosće, hdyž wujednamy so ze wšitkimi, kotrychž smy w běhu lěta zranili abo rozhněwali. Swjedźeń rošhašana (Nowe lěto) traje dwaj dnjej a dopomina na to, zo je Bóh zemju a Adama stworił. Bilancujemy swoje moraliske a nabožne skutki zańdźeneho lěta a modlimy so wo dobry přichod“, Simon Shkolnik powěda. 

Wosada so tež na socialnym a kulturnym polu angažuje. Tak zarjaduje hižo 15 lět tak mjenowanu njedźelsku šulu. Tam haja židowske tradicije, nałožki a židowske wuměłstwo. Nimo toho dźe wo mnohostronske spěchowanje dźěći. Tuchwilu maja slědowace předmjety: rušćinu, hudźbu, paslenje, židowske reje, zakładne znajomosće hebrejšćiny, blidotenis a kompjuterowe kursy. Tež staršiske kursy wo kubłanju dźěći so organizuja.

słowničk:

wujednanje = Versöhnung

želnosć = Reue, Buße

?
1

Choćebuz ma synagogu, kotraž ...

?
2

Dźensa ma židowska wosada ...

?
3

Simon Shkolnik je ...

?
4

Židowski swjedźeń jom kipur ...

?
5

Židowska wosada dźiwa na tradicije a ...

?
dźěl 3 / Teil 3

Sće w třećim dźělu wotrězka čitanje. Spjelńće nadawki a klikńće po tym na „Weiter“. Potom zhoniće wuslědk wotrězka čitanje.

Čitajće najprjedy situacije 11 do 20. Potom čitajće nawěški 1 do 12. Rozsudźće, kotry nawěšk so najlěpje ke kotrej situaciji hodźi. Směće kóždy nawěšk jenož jónu wužiwać. Dwaj nawěškaj stej přidatnej, kotrejž njebudźeće trjebać. (zehn Situationen aus zwölf Anzeigen die passende zuordnen; jede Anzeige nur einmal verwenden)

0
?