zwucowanje
powědanje
Wótrězk powědanje móžo se jano pó dogronjenju na městnje pśespytowaś. Pšosym kontaktěrujśo se z nami a dojadnajśo se termin z pomocu našogo kontaktowego formulara, z mejlku abo telefoniski. Naše kontaktne daty namakajośo how.
Wjaselimy se, gaž maśo swój ID-numer za nas pśigótowany, až móžomy Wam nanejmalsnjej pomagaś.
Wuslědk: Wótrězk powědanje se njewugódnośijo.
krotki pśednosk
Pśednosujśo tśi do styri minuty k pódanej temje.
tema A: Pśecej wěcej luźi napórajo jězdne zgromaźeństwa, až njeby kuždy sam z awtom na źěło jězdźił.
Na slědujucych dypkach móžośo se orientěrowaś:
- pśikład za jězdne zgromaźeństwo (snaź z wósobinskich nazgónjenjow)
- wažnosć toś teje temy
- argumenty za napóranje jězdnych zgromaźeństwow
- argumenty pśeśiwo wutwórjenju jězdnych zgromaźeństwow
- wósobinske měnjenje k toś tej situaciji
tema B: Dokulaž jo cesto mało parkowańskich městnow, su na někotarych drogach městna za luźi rezerwěrowane, kenž na toś tej droze bydle.
Na slědujucych dypkach móžośo se orientěrowaś:
- pśikłady za parkowańske problemy (snaź z wósobinskich nazgónjenjow)
- móžnosći rozwězanja parkowańskich problemow
- argumenty za rezerwěrowane parkowańske městna
- argumenty pśeśiwo rezerwěrowanym parkowańskim městnam
- wósobinske měnjenje k toś tej situacij
diskusija
Diskutěrujśo něźi wósym minutow ze swójeju partnaŕku / swójim partnarjom wó pódanej temje. Pśirownajśo jadnotliwe móžnosći a wobkšuśćo swójo měnjenje. Reagěrujśo na wugronjenja swójeje partnaŕki / swójogo partnarja. Na kóńcu rozgrona pśedstajśo swój faworit.
tema: Trjebaśo dobry nowy kompjuter. Źo by jen kupili?
Maśo slědujuce móžnosći:
- direktnje pla computeroweje firmy
- gromaźe z pśijaśelom, kenž se derje wuznajo
- pśez inserat w casniku
- w fachowem wobchoźe z dobrym serwisom
- we wjelikem medijowem wobchoźe
- za wjelgin spódobnu płaśiznu w interneśe
