zwučowanje
rěčenje
Wotrězk rěčenje hodźi so jenož po dorěčenju na městnje pruwować. Prošu skontaktujće so z nami a dojednajće sej termin z pomocu našeho kontaktoweho formulara, e-mejlku abo telefonisce. Naše kontaktne daty namakaće tu.
Wjeselimy so, hdyž maće swoje ID-čisło za nas přihotowane, zo móžemy Wam nanajspěšnišo pomhać.
Wuslědk: Wotrězk rěčenje so njewuhódnoći.
krótki přednošk
Přednošujće tři do štyri mjeńšiny k podatej temje.
tema A: Přeco wjace ludźi wutworja jězbne zhromadźenstwa, zo njeby kóždy sam z awtom na dźěło jězdźił.
Na slědowacych dypkach móžeće so orientować:
- přikład za jězbne zhromadźenstwo (snano z wosobinskich nazhonjenjow)
- wažnosć tuteje temy
- argumenty za wutworjenje jězbnych zhromadźenstwow
- argumenty přećiwo wutworjenju jězbnych zhromadźenstwow
- wosobinske měnjenje k tutej situaciji
tema B: Dokelž je w městach husto mało parkowanskich městnow, su na někotrych dróhach městna za ludźi rezerwowane, kiž na tutej dróze bydla.
Na slědowacych dypkach móžeće so orientować:
- přikłady za parkowanske problemy (snano z wosobinskich nazhonjenjow)
- móžnosće rozrisanja parkowanskich problemow
- argumenty za rezerwowane parkowanske městna
- argumenty přećiwo rezerwowanym parkowanskim městnam
- wosobinske měnjenje k tutej situaciji
diskusija
Diskutujće něhdźe wosom mjeńšin ze swojej partnerku / swojim partnerom wo podatej temje. Přirunajće jednotliwe móžnosće a wopodstatniće swoje měnjenje. Reagujće na wuprajenja swojeje partnerki / swojeho partnera. Na kóncu rozmołwy předstajće swój faworit.
tema: Trjebaće dobry nowy kompjuter. Hdźe byšće jón kupił/-a?
Maće slědowace móžnosće:
- direktnje pola kompjuteroweje firmy
- hromadźe z přećelom, kiž so derje wuznaje
- přez nawěšk w nowinje
- w fachowym wobchodźe z dobrym serwisom
- we wulkim medijowym wobchodźe
- za jara přijomnu płaćiznu w interneće
